అనంతరం కల్వకుంట్ల కవిత స్పందించారు. తన తల్లిదండ్రులు బాగుండాలని కొట్లాడే నన్ను కుటుంబం నుంచి విడగొట్టే కుట్రలు చేసిన వాళ్లను విడిచిపెట్టను అంటూ హరీష్ రావుకు పరోక్షంగా వార్నింగ్ ఇచ్చారు కవిత. చింతమడక గడ్డకు ఎంత పౌరుషం ఉందనేది చూపిస్తానని హెచ్చరించారు. ఏ ఊరూ ఏ అయ్యా జాగీరు కాదన్నారు. నా కుటుంబంపై కుట్రలు చేసిన వారి భరతం పడతానని హెచ్చరించారు కవిత.
దీంతో సిద్దిపేట నుంచి వచ్చే ఎన్నికల్లో కల్వకుంట్ల కవిత పోటీ చేస్తారని చర్చ జరుగుతోంది. కుటుంబం నుంచి విడగొట్టే కుట్రలు చేసిన వాళ్లను విడిచిపెట్టను అంటూ కవిత మాట్లాడటం దానికి సంకేతమేనని చెబుతున్నారు. సిద్ధిపేటలో హరీష్ రావును నిజంగానే కవిత ఓడిస్తే.. చరిత్రే అవుతుంది.
