బాలీవుడ్ సూపర్స్టార్ షారుఖ్ ఖాన్కు సుప్రీంకోర్టులో షాకింగ్గా ఊరట లభించింది. మన్నత్ ఇంటి అదనపు నిర్మాణాలకు కోస్టల్ రెగ్యులేషన్ల కింద ఇచ్చిన అనుమతులను సవాలు చేస్తూ వేసిన పిటిషన్ను సుప్రీంకోర్టు కొట్టేసింది. ఇది షారుఖ్ ఖాన్కు పెద్ద రిలీఫ్గా మారింది.
Mannat నిర్మాణ పిటిషన్ను కొట్టేసిన సుప్రీంకోర్టు
ముంబైకి చెందిన సోషల్ యాక్టివిస్ట్ సంతోష్ దౌండ్కర్ ఈ కేసును సుప్రీంకోర్టుకు తీసుకెళ్లారు. అతను ముందు నేషనల్ గ్రీన్ ట్రిబ్యునల్ (NGT) లో కూడా పిటిషన్ వేశాడు. కానీ NGT సెప్టెంబర్ 2025 లో అందులో నిజాలు లేవని చెప్పి కొట్టేసింది. దాంతో అతను సుప్రీంకోర్టులో అప్పీల్ చేశాడు. కానీ సుప్రీంకోర్టు కూడా అతని పిటిషన్ వెనుక ఉద్దేశం సరిగ్గా అర్థం కావడం లేదని, అనుమానాలు ఉన్నాయని స్పష్టం చేసింది.
కోర్టు తీర్పులో ఒక సెలబ్రిటీ కేసు అని ప్రత్యేకంగా చూడవద్దని పిటిషనర్ తరఫు లాయర్ కోరికను కూడా తిరస్కరించింది. స్టార్డమ్ చూసి తాము ప్రభావితం కాలేదని జడ్జీలు స్పష్టంగా చెప్పారు. ఒక వ్యక్తి తన ఇంట్లో అదనపు నిర్మాణాలు చేసుకోవడం అతని వ్యక్తిగత విషయమని, చట్టబద్ధమైన నిబంధనలు పాటిస్తున్నప్పుడు ఇతరులు జోక్యం చేసుకోవాల్సిన అవసరం లేదని కోర్టు తేల్చి చెప్పింది.
చివరగా, ఈ కేసులో షారుఖ్ ఖాన్ తరఫు లాయర్లు కూడా సత్తా చాటారు. వారు మన్నత్ నిర్మాణాలకు అన్ని అనుమతులు ముంబై మున్సిపల్ కార్పొరేషన్ (BMC) నుండి తీసుకున్నారని నిరూపించారు. కోర్టు ఈ ఆధారాలను నమ్మి పిటిషన్ను కొట్టేసింది. ఇప్పుడు షారుఖ్ ఖాన్ మన్నత్ నిర్మాణాలను కొనసాగించడంలో ఎలాంటి ఆటంకం ఉండదు.
