యూత్ ను టార్గెట్ చేస్తూ రూపొందించిన తాజా ప్రేమకథా చిత్రం Love O Love జూలై 10న థియేటర్లలో రిలీజ్ కానుంది. పవిష్ నారాయణన్, నాగ దుర్గ జంటగా నటించిన ఈ సినిమా ప్రీ-రిలీజ్ ఈవెంట్ హైదరాబాద్ లో గ్రాండ్ గా జరిగింది. ఈ వేడుకలో స్పెషల్ గెస్ట్ గా విశ్వక్ సేన్ హాజరై చిత్ర బృందాన్ని ఆశీర్వదించారు. భాషలతో సంబంధం లేకుండా ప్రతి ఒక్కరినీ ఆకట్టుకునే కంటెంట్ ఉన్న సినిమా ఇది అని విశ్వక్ సేన్ కామెంట్ చేశారు.
ప్రీ-రిలీజ్ ఈవెంట్ లో విశ్వక్ సేన్ మాట్లాడుతూ తెలుగు ప్రేక్షకులు ఎప్పుడూ స్ట్రాంగ్ స్టోరీ ఉన్న సినిమాలను సపోర్ట్ చేస్తారని, Love O Love కూడా అలాంటి సినిమానే అని అన్నారు. నిర్మాత జి.ధనంజేయన్ మాట్లాడుతూ హీరో పవిష్ గత చిత్రం తెలుగులో మంచి రెస్పాన్స్ తెచ్చుకుంది అని గుర్తు చేశారు. పవిష్ ధనుష్ కు మేనల్లుడు కావడం విశేషం. ఈ సినిమా కూడా ప్రేక్షకుల హార్ట్స్ ను గెలుచుకుంటుందని నిర్మాత ఆశాభావం వ్యక్తం చేశారు.
యూత్ ను అట్రాక్ట్ చేసే అంశాలతో పాటు స్ట్రాంగ్ మెసేజ్ ను ఈ సినిమాలో జోడించినట్లు నిర్మాత దినేశ్ రాజ్ వివరించారు. హీరో పవిష్ నారాయణన్ మాట్లాడుతూ ఈ సినిమా కోసం చాలా హార్డ్ వర్క్ చేశాను, ఈ పాత్ర నాకు నటుడిగా చాలా నేర్పించింది అని చెప్పారు. ఇక సినిమా డైరెక్టర్ మాగేశ్ రాజేంద్రన్ తెరకెక్కించగా, ఇందులో సెల్వ రాఘవన్, కేఎస్ రవికుమార్ కీలక పాత్రల్లో నటించారు.
జూలై 10న ఈ సినిమా ప్రేక్షకుల ముందుకు రానుంది. ఇప్పటికే ట్రైలర్, పోస్టర్స్ కు మంచి రెస్పాన్స్ రావడంతో ఈ love o love సినిమా పై ఆసక్తి పెరిగింది. ఈ ఈవెంట్ కు నాగ దుర్గ, వనిత విజయ్ కుమార్ సహా మొత్తం చిత్ర యూనిట్ హాజరైంది. కంటెంట్ రిచ్ గా ఉన్న ఈ లవ్ స్టోరీ తెలుగు ఆడియెన్స్ ను ఎంతగా మెప్పిస్తుందో చూడాలి.
