రేవంత్ ఫ్లెక్సీలో జగన్ ఫోటో తెలుగు రాష్ట్రాల్లో ఊహించని సంచలనం సృష్టించింది. ఈ ఇద్దరు నేతల మధ్య ఎప్పుడూ పొలిటికల్ డిస్టెన్సే కనిపించేది. కానీ, ఖమ్మం జిల్లా జగన్నాథపురంలో జరగనున్న రైతు ఆశీర్వాద సభ నేపథ్యంలో ఏర్పాటు చేసిన ఫ్లెక్సీలో రేవంత్ రెడ్డి, డిప్యూటీ సీఎం భట్టితో పాటు వైఎస్ జగన్ ఫోటో కూడా ఉండటం అందరి దృష్టిని ఆకర్షించింది. ఈ ఫ్లెక్సీ సోషల్ మీడియాలో వైరల్ అవుతోంది.
మత్కేపల్లి వద్ద ఏర్పాటు చేసిన ఫ్లెక్సీలో రేవంత్, భట్టి హాఫ్ ఫోటో ఒక వైపు ఉంటే, పక్కనే జగన్ నిలువెత్తు ఫోటో చిరునవ్వుతో కనిపిస్తోంది. ఈ ఇద్దరు నేతల మధ్య ఎప్పుడూ పబ్లిక్ గా అభినందనలు లేదా విమర్శలు లేవు. రేవంత్ సీఎం అయినా, జగన్ ఓడిపోయినా ఒకరికొకరు స్పందించలేదు. కనీసం బర్త్ డే విషెస్ కూడా ఎక్స్ఛేంజ్ కాలేదు. ఈ నేపథ్యంలో రేవంత్ ఫ్లెక్సీలో జగన్ ఫోటో చూసి జనం ఆశ్చర్యపోతున్నారు.
ఈ ఫ్లెక్సీ వెనుక ఉద్దేశం ఏమిటో అర్థం కావడం లేదు. కొందరు ఇది సామాజిక సమ్మేళనం కోసం చేసిన ప్రయత్నం అంటే, మరికొందరు ఇది ఏదో రాజకీయ లెక్క అని అనుమానిస్తున్నారు. నిజానికి, రేవంత్ రెడ్డి 20 ఏళ్ల రాజకీయ ప్రస్థానాన్ని ముగించుకుని ప్రత్యేక కార్యక్రమాలు నిర్వహిస్తుండటంతో ఈ ఫ్లెక్సీలు ఏర్పాటు చేశారు. కానీ, జగన్ ఫోటోను కూడా పెట్టడం టాక్ ఆఫ్ ది టౌన్ అయింది.
ఈ ఫ్లెక్సీ ఫోటో చూసిన వైఎస్సార్ సీపీ క్యాడర్ కూడా కన్ఫ్యూజ్ అయిపోయారు. ఒక వైపు రేవంత్ ఫ్లెక్సీలో జగన్ ఫోటో ఉండటం సర్ప్రైజింగ్ గా ఉంటే, మరో వైపు దీని వల్ల రాజకీయంగా ఏమైనా ఇంపాక్ట్ ఉంటుందా అనే చర్చ మొదలైంది. అయితే, ఈ ఘటన తెలుగు రాష్ట్రాల్లో పొలిటికల్ కాన్వర్సేషన్ ని మరో లెవల్ కి తీసుకెళ్లింది.
