రిషబ్ శెట్టి అభిమానులకు ఓ సూపర్ update వచ్చేసింది. Kantara Chapter 2 పై క్లారిటీ వచ్చేసింది. జై హనుమాన్ సినిమాతో పాటు, కాంతార సీక్వెల్ కోసం కూడా రిషబ్ శెట్టి రచనా పనులు మొదలుపెట్టేశారు. ఇంటర్నేషనల్ మీడియా సంస్థ వెరైటీకి ఇచ్చిన ఇంటర్వ్యూలో ఈ హ్యాపీ న్యూస్ షేర్ చేశారు.
కాంతార సినిమా తక్కువ బడ్జెట్తో రూపొంది, బాక్సాఫీస్ వద్ద భారీ వసూళ్లు సాధించింది. ఈ సినిమా భారతీయ సంస్కృతిని, జానపద సంప్రదాయాలను ప్రపంచానికి పరిచయం చేసింది. దీని తర్వాత వచ్చిన కాంతార: చాప్టర్ 1 కూడా మంచి స్పందన తెచ్చుకుంది. ఇప్పుడు రిషబ్ శెట్టి స్వయంగా కాంతార విశ్వం ముగిసిందని, కొత్త అధ్యాయం రానుందని ప్రకటించారు.
ప్రస్తుతం రిషబ్ శెట్టి జై హనుమాన్ సినిమా షూటింగ్లో బిజీగా ఉన్నారు. అదే సమయంలో కాంతార: అధ్యాయం 2 స్క్రిప్ట్పై కూడా సమాంతరంగా పని చేస్తున్నారు. తన రచయితల బృందంతో కలిసి కథను డెవలప్ చేస్తున్నామని, ఈ సినిమా కోసం ప్రత్యేకంగా టైమ్ కేటాయిస్తున్నామని చెప్పారు. దీంతో కాంతార ఫ్రాంచైజీకి మరో భాగం ఖాయమైనట్లే.
నటుడిగా ఎంత బిజీ ఉన్నా, దర్శకత్వాన్ని మాత్రం వదలను. అది చేస్తున్నప్పుడే నాకు మనశ్శాంతి, నిజమైన ఆనందం లభిస్తాయి, అని రిషబ్ శెట్టి ఇంటర్వ్యూలో వెల్లడించారు. ఈ వ్యాఖ్యలు సోషల్ మీడియాలో వైరల్ అవుతున్నాయి. కాంతార: చాప్టర్ 2 నేపథ్యంలో సాగుతుందా లేదా కొత్త కోణంలో ఉంటుందా అనే ఆసక్తి అభిమానుల్లో మొదలైంది.
