film scam: దర్శకుడు అశోక్ బాబుపై రూ.3.5 కోట్ల మోసం కేసు నమోదైంది. తెలుగు సినిమా రంగంలో ఓ యువకుడిని హీరోగా ఎంట్రీ ఇప్పిస్తామని నమ్మించి, భారీ మొత్తంలో డబ్బులు వసూలు చేసిన ఘటన వెలుగులోకి వచ్చింది. దర్శకుడు గుడ్లూరి అశోక్ బాబు, నిర్మాత విజయలక్ష్మిపై సైబరాబాద్ పోలీసులు కేసు పెట్టారు. ఈ ఫిర్యాదు ఆర్ధిక నేరాల విభాగం (EOW) దృష్టికి వచ్చింది. ప్రస్తుతం ఇది టాలీవుడ్లో పెద్ద చర్చనీయాంశంగా మారింది.
బాధితుల కథనం ప్రకారం, ఓ యువకుడిని సినిమాలో హీరోగా లాంచ్ చేస్తామని అశోక్ బాబు ప్రలోభపెట్టాడు. ఆ యువకుడి తల్లిదండ్రుల నుండి విడతల వారీగా దాదాపు రూ.3.5 కోట్లు వసూలు చేశాడు. అయితే, డబ్బులు తీసుకున్న తర్వాత చాలా కాలం గడిచినా సినిమా మొదలుపెట్టలేదు. హీరోగా లాంచ్ చేయడంలో పూర్తిగా ఫెయిల్ అయ్యాడు. ఇది నమ్మకద్రోహం అని గ్రహించిన బాధితులు తమ డబ్బు తిరిగి ఇవ్వాల్సిందిగా నిలదీశారు.
కానీ, అశోక్ బాబు మరియు విజయలక్ష్మి డబ్బు తిరిగి ఇవ్వడానికి నిరాకరించారు. దీంతో మోసపోయామని గ్రహించిన బాధితులు పోలీసులను ఆశ్రయించారు. వారి ఫిర్యాదు మేరకు సైబరాబాద్ EOW పోలీసులు దర్శకుడు అశోక్ బాబు మరియు నిర్మాత విజయలక్ష్మిపై కేసు నమోదు చేశారు. ప్రస్తుతం వారిద్దరిని అదుపులోకి తీసుకుని విచారిస్తున్నారు.
ఈ ఘటన టాలీవుడ్లో పెద్ద షాక్ ఇచ్చింది. ఇలాంటి ఫిర్యాదులు కొత్త కాదు, కానీ ఇందులో భారీ మొత్తం ఉండటం విశేషం. ఇండస్ట్రీ వర్గాల్లో ఇప్పుడు దీనిపై చర్చ జరుగుతోంది. సినిమా అవకాశాలు చూపించి ఇలా మోసం చేయడం సరికాదు అని చాలామంది అభిప్రాయపడుతున్నారు. పోలీసులు ఈ కేసును తీవ్రంగా పరిగణిస్తు, నిందితులపై చర్యలు తీసుకుంటారు అని భావిస్తున్నారు.
