Dadagiri: దాదా బయోపిక్ ఫస్ట్ లుక్ రిలీజ్ – 2027 మే 14న రానుంది
సౌరవ్ గంగూలీ బయోపిక్ దాదా ఫస్ట్ లుక్ ఇప్పుడే విడుదలైంది. ఈ సినిమా 2027 మే 14న థియేటర్స్ లో రిలీజ్ కానుందని అఫీషియల్ గా ప్రకటించారు. బాలీవుడ్ స్టార్ రాజ్ కుమార్ రావు గంగూలీ పాత్రలో నటిస్తున్న ఈ మూవీకి విక్రమాదిత్య మోత్వానే డైరెక్టర్ గా వ్యవహరిస్తున్నారు. లవ్ రంజన్ మరియు అంకుర్ గార్గ్ దీన్ని ప్రొడ్యూస్ చేస్తున్నారు. సౌరవ్ గంగూలీ బయోపిక్ గా రూపొందుతున్న ఈ చిత్రం అభిమానుల్లో భారీ అంచనాలు క్రియేట్ చేసింది.
ఫస్ట్ లుక్ లో లార్డ్స్ క్రికెట్ గ్రౌండ్ లో గంగూలీ తన జెర్సీ తీసేసి ఊపుతున్న ఐకానిక్ పిక్చర్ ను ఉపయోగించారు. ఇది అతని కెరీర్ లో అత్యంత మెమోరబుల్ మూమెంట్. ఈ లుక్ ను గంగూలీ స్వయంగా తన సోషల్ మీడియా హ్యాండిల్ లో షేర్ చేశారు. ఇందులో అత్యుత్తమ బహుమతి! మీరు నా కవర్ డ్రైవ్ ని ప్లే చేయడం కోసం వేచి ఉండలేకపోతున్నాను! అని కూడా రాసుకొచ్చారు. దీంతో ఈ సినిమా రేంజ్ ఏంటో తెలుస్తోంది.
సౌరవ్ గంగూలీ భారత క్రికెట్ చరిత్రలో అత్యంత విజయవంతమైన కెప్టెన్లలో ఒకరు. అతను టీమిండియాకు కొత్త దిశ చూపించాడు. దూకుడైన జట్టుగా తీర్చిదిద్దిన ఈ నాయకుడి జర్నీని తెరపై చూడటం స్పెషల్ ఎక్స్పీరియన్స్ అవుతుంది. పలు క్రికెటర్ల బయోపిక్స్ వచ్చిన తర్వాత ఇప్పుడు సౌరవ్ గంగూలీ బయోపిక్ కూడా వస్తోంది. ఇది ఫ్యాన్స్ కు పెద్ద ట్రీట్ లాగా ఉంది.
ఈ మూవీ గురించి ప్రస్తుతం సోషల్ మీడియాలో బాగా చర్చ నడుస్తోంది. రాజ్ కుమార్ రావు టాలెంటెడ్ యాక్టర్ గా నిరూపించుకున్నాడు. గంగూలీ పాత్రలో అతను ఎలా ఫిట్ అయ్యాడో చూడాలి. డైరెక్టర్ విక్రమాదిత్య మోత్వానే స్టాండర్డ్ కంటెంట్ ఇస్తారని నమ్మకం. సౌరవ్ గంగూలీ బయోపిక్ దాదా విడుదల తేదీ 2027 మే 14. ఈ రోజు కోసం ఫ్యాన్స్ ఎంతగానో ఎదురుచూస్తున్నారు. ఈ సినిమా హిట్ అవడం ఖాయమనిపిస్తోంది.
