vegetarians: ప్రపంచవ్యాప్తంగా జీవనశైలి మార్పుల కారణంగా శాకాహారం (vegetarian) వైపు మొగ్గు చూపుతున్న వారి సంఖ్య వేగంగా పెరుగుతోంది. చిన్నప్పుడు మాంసాహారం (non-vegetarian) తిన్నా, తర్వాత శాకాహారం వైపు వెళ్లేవారు కూడా ఉన్నారు. ఇక శాకాహారులే కానీ తర్వాత మాంసాహారానికి మారిన వారూ ఉంటారు. కానీ, ఏది తినాలో అనేది పూర్తిగా వ్యక్తిగత ఎంపిక (personal choice) అనే విషయాన్ని నిపుణులు చెబుతున్నారు. ఆరోగ్యంపై శ్రద్ధ పెరిగిన వారు, ముఖ్యంగా హార్ట్ హెల్త్ (heart health), డయాబెటిస్ కంట్రోల్ (diabetes control) వంటి అంశాల దృష్ట్యా శాకాహారాన్ని ఎంచుకుంటున్నారు.
Top countries with most vegetarians worldwide
ఇప్పుడు ప్రపంచంలో అత్యధిక శాకాహారులు ఉన్న దేశాలను ఒకసారి చూద్దాం. మొదటగా భారత్. భారతదేశం ప్రపంచంలోనే ఎక్కువ శాకాహారులు ఉన్న దేశం. ఇక్కడ మొత్తం జనాభాలో దాదాపు 30% మంది వెజిటేరియన్లు. ముఖ్యంగా హర్యానా, రాజస్థాన్ రాష్ట్రాల ప్రజల్లో శాకాహారం ఎక్కువగా ఉంటుంది.
తర్వాత ఇజ్రాయెల్. ఇక్కడ జనాభాలో 13% మంది శాకాహారులు. జంతువులను చంపి ఆహారం తినకూడదని నమ్మే వారి సంఖ్య ఎక్కువ. మూడో స్థానంలో తైవాన్ ఉంది. ఇక్కడ 12% మంది వెజిటేరియన్లు ఉన్నారు. అక్కడ వెజ్ రెస్టారెంట్స్ (veg restaurants) కూడా విస్తృతంగా కనిపిస్తాయి.
ఇటలీ, ఆస్ట్రియా దేశాల్లో కూడా శాకాహారుల సంఖ్య పెరుగుతోంది. ఇటలీలో 10% మంది ప్రజలు వెజిటేరియన్లు కాగా, ఆస్ట్రియాలో ఈ సంఖ్య 9% ఉంది. వాస్తవానికి ఇటలీ నాన్ వెజ్ వంటకాలతో ప్రసిద్ధి చెందిన దేశమే అయినా, ఇప్పుడు శాకాహారాన్ని ఎంచుకునే వారు ఎక్కువవుతున్నారు. మొత్తానికి ప్రపంచవ్యాప్తంగా శాకాహారం ఒక ఆరోగ్యకరమైన జీవనశైలిగా (healthy lifestyle) మారిపోతోంది.